Бугунги кун яшаб турган уйларимиз ҳар биримиз учун Аллоҳ томонидан берилган оромгоҳдир. Аллоҳ таоло қуръони каримда шундай дейди: “Аллоҳ сизлар учун уйларингизни оромгоҳ қилди” ( Наҳл сураси, 80-оят).
Инсон ўз уйида ўзини эркин ҳис қилади, вужуди роҳатланади. Айниқса, уйнинг кенглиги инсон учун дунёнинг неъматларидан биридир. Бу ҳақда пайғамбар (с.а.в.): Тўрт нарса саодатдир: яхши хотин, кенг маскан, яхши қўшни, роҳат берувчи от-улов” деганлар ( Насоий ривояти).
Ислом дини мусулмонларга уй-жойларни пок –озода сақлашга чақиради. Чунки инсонларнинг уй-жойларига қандай муносабатда бўлишлари уларнинг маданияти ва маънавиятини қандайлигини билдиради. Инсон ўз уй-жойларининг поклигига эътибор бериш ва бермаслиги билан унинг тармуш тарзини қандайлиги маълум бўлади.
Пайғамбаримиз ( с.а.в.):“Аллоҳ гўзалдир, гўзалликни севади, покдир, покликни севади, каримдир, яхшиликни севади, жўмарддир. Жўмардликни севади, уйларингизни пок тутинг ва яҳудийларга ўхшаманг дедилар. ( Имом Термизий ривояти).
Инсон ўзи яшаётган манзилларни озода бўлишига эришиши лозим. Зеро, ҳовли ва уйларнинг нотозалиги биринчи галда шу хонадонда турадиган учун зарарлидир.
Уй-ҳовли, маҳалларимизнинг озода бўлишлиги ўзимизга боғлиқ. Турар жойларимиз атрофини нотозаликдан сақлашимиз лозим. Турар жойларни озода сақлаш ҳар бир шу ерда яшаётган ҳар кишининг бурчидир.Уй-жойларимизни озода қилсак, маҳалламиз, шаҳар ва қишлоғимиз, юрт озодалигидир.
Руҳиддин Акбаров,
ЎМИнинг Қашқадарё вилоятдаги вакиллик ходими